xoves, 18 de febreiro de 2016

GALLETAS ESPACIAIS

O pasado luns tivemos unha doce sorpresa, Isaac de 4ºB agasallounos cunhas deliciosas galletas espaciais que fixera na casa coa súa familia. Había estrelas, lúas, soles e ata diversos planetas.


Moitas grazas Isaac, estaban boísimas!
A súa nai tivo a amabilidade de compartir con todos/as nós a receita. Aquí a deixamos para quen queira poñerse coas mans na masa.

Boa sorte, que saían ben e bo proveito!

martes, 9 de febreiro de 2016

ENTROIDO ESPACIAL

Este ano tivemos un entroido espacial. O colexio encheuse de alieníxenas, lúas, estrelas, planetas do sistema solar e ata os personaxes de Star Wars viñeron visitarnos.

Despois de moito traballo, por fin chegou o gran día do desfile. Unha vez disfrazados percorremos as rúas de Bueu, enchéndoas de colorido, música e diversión. E como non...a cabeza do mesmo ía a nosa mascota Papirus co seu escafandro. Como xa sabedes, anda viaxando polo espazo, pero menos mal que nos fixo unha visita e nos acompañou neste día tan especial.

Os máis pequerrechos de tres, catro e cinco anos ían guapísimos cos seus traxes representando o sistema solar.



Ata tiñan unha carroza cun foguete chulísimo!

Os nenos e nenas de primeiro levaban un fermoso ceo estrelado


As fases da lúa: lúas cheas e menguantes foron os rapaces e rapazas de segundo.



O alumnado do segundo ciclo converteuse en alieníxenas de cores. Había unha gran variedade : cun ollo, con tres ollos. . .




E pechando o desfile a rapazallada do terceiro ciclo, que ían nada máis nin nada menos, que dos protagonistas da famosa peli : STAR WARS. Había varios Darth Vader. 


 
Tamén varias Princesas Leia.


Non podían faltar os Luke SkywalKer.

 

E algúns robot R2D2.


Tamén nos acompañou no desfile o grupo de gaitas Manxadoira. Moitas grazas!

 
E un . . . astronauta ! ? 


Cando chegamos a Praza do Concello, cada grupo cantou a súa cantiga. Se queres ler as letras das cancións preme na imaxe.


E para rematar, como en toda boa festa de Entroido, non podían faltar as filloas, as orellas, as chulas e outras lambetadas típicas desta festa. Estaba todo riquísimo!