domingo, 29 de xaneiro de 2017

FRASES DE PELÍCULA

Xa que estamos de película, imos analizar algunhas frases que ao longo da historia do cine acabaron sendo famosas.
Como xa falta pouquiño para o Día da Paz, decidimos buscar unha que nos fixese reflexionar. A elexida foi :
 "Un verdaeiro heroe non se mide polo tamaño da súa forza, senón pola forza do seu corazón"


A partir dela os rapaces e rapazas debían investigar, aplicando estruturas da aprendizaxe cooperativa para averiguar de que película se trata, o director, ano de estrea, actores e actrices principais, etc. Esta actividade realizámola na hora de biblioteca.
Gustounos tanto que esta non vai ser a única. Cada quince días, máis ou menos, aparecerá unha frase no corredor do Bibliocastelo, que teremos que averiguar de que película está sacada. Coa información obtida cubriremos un caderniño.


Xa sabedes cal é a película da frase desta semana? Poñédevos mans á obra!

xoves, 19 de xaneiro de 2017

CÁMARA...ACCIÓN!!

Despois de varios meses de traballo, por fin chegou o día!
O noso colexio converteuse nun auténtico estudo de cine. Baixo a dirección de Ramón Torrente García, os rapaces e rapazas de 5º e 6º interpretaron os guións elaborados con anterioridade coas súas titoras.
Tivemos a sorte de poder contar con auténticos profesionais, xa que a actividade foi organizada e subvencionada polo CIM (Centro de Información ás Mulleres) do Concello de Bueu e pola Deputación de Pontevedra, dentro do Programa de Fomento da Igualdade.






Estamos desexando que chegue o día da estrea, que, por certo, será o 8 de marzo con motivo da celebración do Día da Muller.
Que ganas temos de velos!!!

luns, 2 de xaneiro de 2017

OBRADOIROS DE PELÍCULA

O último día de cole do ano, celebramos os Obradoiros de Nadal. Ademais dos xa tradicionais obradoiros creativos, plurilingües, máxicos...este ano, como non, houbo tamén algúns relacionados co proxecto deste curso : O CINE.
Os de 1º e 2º fixeron un mural de película, nada máis nin nada menos, que "Charlie e a fábrica de chocolate" basada no libro de Roald Dahl.
Os de 3º e 4º, un obradoiro interpretativo "Poñémonos no papel", no que tiñan que representar esceas de varias películas.
O BIBLIOCASTELO converteuse nun obradoiro de caracterización no que participaron os alumnos e alumnas de 5º e 6º. Colocáronse por parellas e maquilláronse de personaxes de películas : Batman, Avatar, Noiva cadáver, Joker...
Ollade as seguintes imaxes e comprobade o guapos e guapas que quedaron!




















E para rematar esta xornada festeira, visitáronnos as súas Maxestades os Reis Magos.



 Unhas alumnas dirixidas pola profe Marta e Loli, cantaron unhas fermosas panxoliñas ao son das guitarras. Nós acompañámolas. 



Foi unha xornada de película!!!